რას წერს მაია ასათინია ნანუკა ჟორჟოლიანზე, რომელსაც პატიმრობა შეეფარდა

ჟურნალისტი მაია ასათიანი სოციალურ ქსელში ეხმაურება ტელეწამყვან ნანუკა ჟორჟოლიანის დაკავებას და ვიდეოს აქვეყნებს:

“17-ის იყო, რომ გავიცანი, მე-18-ის, მეგობრებიც ვიყავით და მტრებიც, არ იყო ადვილი, ის რომ მტრად აგირჩევს…. მაგრამ ადრენალინით სავსე! ორივეს ცხოვრებამ, ერთმანეთის თვალწინ გაიარა, 30-ზე მეტი წელი გასულა და ახლა, მგონი ყველაზე კარგად გვესმის ერთმანეთის… არადა რადიკალურად სხვადასხვა ვართ. დილით, უთენია, მარტო მე და მას რომ გვღვიძავს, დავისკუპებ ცხვირზე სათვალეს და ცხოვრებაზე ვლაპარაკობთ ხოლმე… ისევ კონკურენტები გავხდებით, ისევ ავლესავთ ხმლებს — და ასე… მშვენივრად გაატარებს ამ სამ დღეს, ძლიერდება,როცა ებრძვიან!” – წერს მაია ასათიანი.

ცნობისთვის, თბილისის საქალაქო სასამართლომ, ტელეწამყვანსა და „ნანუკას ფონდის” დამფუძნებელს, ნანუკა ჟორჟოლიანს 3- დღიანი ადმინისტრაციული პატიმრობა შეუფარდა. ნანუკა ჟორჟოლიანი სასამართლო დარბაზშივე დააკავეს.

შინაგან საქმეთა სამინისტრო, ჟორჟოლიანს 2025 წლის დეკემბრის თვეში, ადმინისტრაციულ სამართალდარღვევათა კოდექსის 174-ე პრიმა მუხლის პირველი ნაწილის დარღვევას ედავებოდა, რაც ტროტუარზე ქვეითთა გადაადგილების ხელოვნურ შეფერხებას გულისხმობს, რომელიც 2-დან 15 დღემდე ადმინისტრაციულ პატიმრობას ითვალისწინებს.